طلال فيصل يحدثكم من الشارع
سبحان الملك الوهاب يعز من يشاء ويذل من يشاء يخفض ويضع ووينزل ويرفع.....انا طلال فيصل اللى كان عنده dslواحد ميجا زى الفل مخليه بيعمل كل اللى نفسه فيه من تنزيل افلام الى شات الى مشاهدة الصفحات بكل راحة ورحرحة ينقلب بى الزمان الى صعلوك تايه بيدور على سيبر معفن من ابو (جنيه فى الساعة قبل الساعة 2 ظهرا)عشان يدخل عالنت ومنها لله كلية الطب اللى كانت السبب..لان الذى فصل السلك بتاع النت ما فصلها الا عشان اتنيل اذاكر واتفوق واجتهد الخ الخ الخ..محسوبكم عنده امتحان نسا خلاص..يعنى لازم اتلم واذاكر بقه
لكن سيبكم من كل ده..فيه خبرجميل نفسى اعرغ الدنيا كلها بيه..وهو ان صاحبى وحبيبى واخويا السيد الدكتور محمود عزت نشر لى ديوانى الاول(الملائكة لا تشاهد الافلام الاباحية )فى داره الجديدة (دار سوسن للنشر)بارك الله لهما وبارك عليهما وجمع بينهما فى خير
http://almala2kala.blogspot.com/
دى وصلة الديوان وفى انتظار تعليقاتكم
Subscribe to:
Post Comments (Atom)
10 comments:
بايني أول واحده (:
معلش ياطلال, مانت كمان لازم تذاكر يعني, ده امتحان برضو (:
مبروووووووووووووك علي نشر الديوان وان شاء الله عقبال الديوان الألف بعد المليون .
a7'eran geeeeeeeeeeeeet :)
eh yabny al3'eeba de kollaha :/
zaker kwais enta bas w mate2la2sh 3al mdawana :D
w alf mabrooooooooooooooooooooooooooooook
3al dewaan ya m3aleh ;)
هههههههه ... ربنا يوفقك يا عم طلال ويرحمك من ام السيبرات ودوشة العيال بتوع ميدل
قال وانا اللى فاكرك بتذاكر من نفسك واتلميت لوحدك
على العموم :
بالنسبه للمذاكرة شد حيلك كلنا لها
بالنسبه للديوان اكتر من رائع ومبروك يامان
بالنسبه للطب اوعى تغلط فيه تانى
بالنسبه للنت عندى ليك حل نااااااااااااار
روح ياشاطر كليتك واطلع ميدك(تطوير التعليم الطبى) الدور التالت هتلاقى عشرين جهاز كمبيوتر كلهم دى اس ال ومحدش بيروح هناك يعنى ممكن تتفرش عليهم لوحدك وعيش ياعم الحاج
محمود بيه رزق
انت مش كنت مسمي الديوان (الطور والسمراء)
كان احلى من الاسم ده
على العموم الديوان جميل بس ياريت ترجع اسمه الاول
ربنا يوفقك وخلينا نشوفك
Psychogem
مبروك يا جميل على الديوان و هو بجد عبقري
مبرووووووووووووووووووووك
الف مبروك
بس ذاكر يا دوك.امال احنا هنروح لاى دكتور مجانا فى المستقبل يعنى ان شاء الله:))
ايه دا ايه دا ايه دا
لاء بجد انت فى طب
ربنا يوفقك يارب
تخيل انا بحسبك اعلام على فكرة من زمان
متخيلتش ابدا انك طب
لا لا فى امل اهو خلاص
بس والله الواحد يخاف على المرضى اللى هيجولك بعدين
هيموتوا على ايدك
ومبروووووووك على الديوان يا معلم
هقراه واقولك رايىى فيه
وللامام يا بطل برضه
ازيك يا استازنا... هو انا قابلتك وقولتلى ان هاتكون فى امسيه ان شاء الله ف ساقية الصاوى هايتعرض فيها ديوانك ان شاء الله.. بس ماعرفتش امتى...ننكن اعرف ؟؟؟؟؟
الف الف مبروك ياطلال وشد حيلك فى المذاكرة بالمناسبة انا نفسى اتعرف عليك شخصيا لانى بحس فى شعرك انك بتتكلم عنى كمان طلب معلش لو عندك اغنية مر بى بتاعة فيروز ياريت اللينك بتاعها
Post a Comment